лучший сайт где можно скачать шаблоны для dle 11.2 бесплатно

Қоңыраттағы 28-санлы мәнзил колониясында “Омбудсман қутысы” алып тасланғаны мәлим болды

Өзбекстан Республикасы Олий Мажлисиниң Инсан ҳуқықлары бойынша ўәкили (омбудсман) ның Қарақалпақстан Республикасындағы аймақлық ўәкили Зухра Реймова Қоңырат районындағы 28-санлы мәнзил колониясына мониторинг сапарын әмелге асырды.


Мониторинг даўамында аймақлық ўәкил тәрепинен шөлкемде жайластырылыўы мәжбурий болған “Омбудсман қутысы”ның алып тасланғанлығы анықланди.

Колония баслығының сөзлерине көре, ҳәзирги ўақытта мәнзил колониясында реконструкция жумыслары алып барылып атырғанлығы себепли, “Омбудсман қуты”лары ўақтынша алып қойылғанын көрсеткен ҳәмде тез арада реконструкция жумыслары жуўмақланғанан кейин аймақлық ўәкил тәрепинен билдирилген барлық кемшиликлер жөнге салыныўы айтылған.

Мониторинг даўамында аймақлық ўәкил Зухра Реймова тутқынлардың жатақханалары белгиленген талап нормаларына жуўап бермеслиги бойынша да өз усынысларын берди.


Соның менен бирге, Омбудсман ўәкили шөлкемде сақланып атырған шахсларға көрсетилетуғын медициналық жәрдем ҳаққында жуўапкер шыпакер менен сәўбетлескенде ол дәри-дәрман, үскенелерден ҳеш қандай кемшилик ямаса машқала жоқ екенлигин, шараятлар қанаатландырарлы дәрежеде екенлигин билдирген.

Мәнзил колониясындағы шараятлар көзден кеширилгенде ҳәм тутқынлар менен сәўбет алып барылғанда олардың мийнет ҳуқықларының бузылып атырғанлығы, атап айтқанда, олардың жумыс ўақыты күнине 7 саат етип белгиленген болыўына қарамастан, айырым пайытлар 8 сааттан мәжбурий жумысқа қосылып атырғаны билдирилди.

Усы жағдай Омбудсманның Қарақалпақстандағы аймақлық ўәкили араласыўы менен унамлы шешилди, - делинеди Олий Мажлистиң Инсан ҳуқықлары бойынша ўәкили (омбудсман) баспасөз хызмети хабарында.

Дерек: http://www.ombudsman.uz
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы