лучший сайт где можно скачать шаблоны для dle 11.2 бесплатно

НМПИ: контракт төлеген студентлердиң стипендиясы майдың дәслепки он күнлигинде толық төленеди

Телеграм тармағындағы Нөкис мәмлекетлик педагогикалық институты шет тиллери факультети инглис тили ҳәм әдебияты тәлим бағдары студентиниң мүрәжаты жәрияланды.

Мүрәжатта 2020-2021-оқыў жылы ушын төлемли контракт суммасын толық төлеп болған болса да, март айынан берли стипендия төленбей атырғаны ҳаққында атап өтилген.

Институтта улыўма стипендиялы түрде оқып атырған 626 студент болып, соннан 2021-жылдың 1-апрель жағдайы бойынша төлемли контракт суммасын толық төлеп болған 313 студентке стипендиялар толық төленген.

Нөкис мәмлекетлик педагогикалық институты баспасөз хызметиниң мәлим етиўинше март айынының соңғы күнлеринде төлемли контракт пулларын толық төлеп болған айырым студентлерге бюджет мәкемелериниң бухгалтериялық есабын жүргизиўши «UzASBO» бағдарламалық комплексинде пүткил Өзбекстан бойлап техникалық насазлықлар болғаны себепли стипендияларды өз ўақтында төлеўде машқалалар жүзеге келген.

Усы студентлерге апрель айында контракт суммасын толық төлеген басқа студентлер менен бирге стипендия төленбеген айлар ушын стипендиялары 2021-жылдың май айының дәслепки он күнлигинде толық төленеди, делинде институт хабарында.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы