лучший сайт где можно скачать шаблоны для dle 11.2 бесплатно

Өткен төрт айда 448 жеке тәртиптеги исбилерменлик субъектлери мәмлекетлик дизимнен өтти

Мәмлекетлик хызметлер орайы карантин талапларына әмел еткен ҳалда өз жумысын даўам етпекте.

Нөкис қаласы Мәмлекетлик хызметлер орайы тәрепинен усы жылдыӊ дәслепки 4 айы даўамында пуқараларға ҳәм исбилерменлик субъектлерине жәми 60 мыңнан аслам мәмлекетлик хызметлер көрсетилген болып, соннан 5 мыңға жақыны юридикалық шахсларға көрсетилген.
Соныӊ менен бирге орай тәрепинен жыл басынан 349 юридикалық шахс ҳәм 448 жеке тәртиптеги исбилерменлик субъектлери мәмлекетлик дизимнен өткерилген.
Буннан тысқары пуқараларымызға қолайлық жаратыў мақсетинде орай хызметкерлери орынларға шыққан халда көшпели хызметлер көрсетип келмекте ҳәм усы жылдыӊ дәслепки 4 ай даўамында 3 мыңға жақын көшпели мәмлекетлик хызметлер көрсетилди.
Бул хызметлерди пуқаралар орайға барып жүрместен үйинен яки жумыс орнынан шықпаған ҳалда e-imzo.uz сайтынан электрон санлы қол таңбасын алып, my.gov.uz Бирден бир интерактив мәмлекетлик хызметлер порталы арқалы орай тәрепинен көрсетилип атырған хызметлердиӊ барлығынан онлайн тәризде пайдаланыўларына болады.
Соныӊ менен бирге fo.birdarcha.uz сайты арқалы исбилермен сыпатында мәмлекетлик дизимнен өтип өз исбилерменлигин жолға қойыўларына болады.

Улуғбек Қурбанбаев
Нөкис қаласы Мәмлекетлик хызметлер орайы қәнигеси
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы