лучший сайт где можно скачать шаблоны для dle 11.2 бесплатно

Сайлаў комиссияларының ис-ҳәрекетлери (қарарлары) үстинен шағым етиў ҳаққындағы ислерди жүритиў тәртиби


Сайлаў ҳаққындағы нызам ҳүжжетлерин бузған айыпкер шахслар белгиленген тәртипте жуўапкер болады. Сайлаў күни ҳәм даўыс бериў басланыўынан бир күн алдын жәмийетшилик пикири сораўлары нәтийжелерин, сайлаў нәтийжелери прогнозларын, өткерилип атырған сайлаў менен байланыслы басқа тексериўлерди жәриялаў, соның менен бирге ғалаба хабар қураллары, сондай-ақ, интернет тармағына жайластырыўы қадаған етиледи.

Сайлаў комиссиясына мүрәжат етиўи шәрт болған жағдайлар белгиленген болып, бул даўыс бериўши пуқаралар дизиминдеги қәте яки надурыслықларға байланыслы мүрәжатлар  болып есапланады.

Участка сайлаў комиссиясы 24 саат ишинде бул мүрәжатты тексерип шығыўы ҳәм қәте-кемшиликлерди сапластырыўы ямаса мүрәжат еткен шахсқа оның мүрәжаты не себептен тийкарсыз екенлигин түсиндирип бериўи шәрт. Мүрәжат етиўши пуқара комиссия қарарынан наразы болса ҳәкимшилик судқа мүрәжат етиўи мүмкин.

Сайлаў комиссиялары қарарлары үстинен шағымлар кағыйда тийкарында жуўапкер жайласқан аймақтағы ҳәкимшилик судларға бериледи. Орайлық сайлаў комиссиясы, сондай-ақ қоспа мәжилис қарарлары үстинен қарар қабыл етилгеннен кейин он күн ишинде Өзбекстан Республикасы Жоқарғы судына шағым етиўи мүмкин.

Шахслардың бузылған ҳуқықлары қысқа мүддетлерде тиклеў арқалы, олардың Өзбекстан Республикасы Конституциясы менен кепиллигин тәмийинлеў мақсетинде, норматив ҳүжжетлеринде усы сыяқлы шағымларды көрип шығыў ушын ең қысқа мүддетлер белгиленген. Сайлаў комиссияларының ис-ҳәрекетлери (қарарлары) үстинен берилген шағым суд тәрепинен шағым берилген күннен баслап үш күннен кешиктирмей көрип шығылыўы, егер сайлаўға алты күннен кем ўақыт қалған болса, дәрҳал көрип шығылыўы керек. Шағым суд тәрепинен арза бериўшини ҳәм сайлаў комиссиясының ўәкилин, сондай-ақ прокурорды, егер шағым арза бериўшиге емес, басқа пуқараға тийисли болса, сол шахстың қатнасында көрип шығылады. Бул шахслардың келмеўи исти көрип шығыўға тосқынлық қылмайды.

Судтың шешиўши қарары шығарылыўы менен тийисли сайлаў комиссиясына ҳәм арза бериўшиге тапсырылады.
 
 
А.Жолдасова
Нөкис районлар аралық ҳәкимшилик судының
судья жәрдемшиси
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы