лучший сайт где можно скачать шаблоны для dle 11.2 бесплатно

Браконьерлер тек кийиклер емес, "Нива"ның баллонларна да ҳүжим еткен


Алдын Қоӊырат районы Үстирт тегислигинде Қоӊырат районы “Жаслық” МПЖда жасаўшы Б.Р. ҳәм Т.Р.лар 11 дана кийиклерди нызамсыз аўлағаны ҳаққында хабар берген едик.

Қарақалпақстан Республикасы Прокуратурсының берген мағлыўматына көре, 2021-жылдыӊ 24-май күни Қоӊырат районы Үстирт тегислигинде өткерилген рейд илажы даўамында, Қоӊырат районы “Жаслық” МПЖда жасаўшы Б.Р. ҳәм Т.Р.лар “Урал” маркалы 2 дана мотоцикльде аў мылтығы жәрдеминде 11 дана кийиклерди нызамсыз аўлап киятырған ўақтында иркилген.


Буннан кейин, пуқаралар Б.Р. ҳәм Т.Р. лар өзлерине тийисли болған “Урал” маркалы 2 дана мотоциклин жағып жиберип, инспекторларға тийисли болған 4 дана қол телефон аппаратларын тартып алып, «Қубла Үстирт» миллий тәбият бағына тийисли болған “Нива” маркалы хызмет автомашинасыныӊ 4 дана балонларын тесип, ҳәрекетлениўине тосқынлық етип, ҳәдийсе орнынан жасырынған.

Пуқаралар бул иси менен ҳайўанат дүньясына 134 миллион 750 мыӊ сум муғдарында зыян жеткерген, деп жазады Қарақалпақстан Республикасы прокуратурасы.

Жоқарыдағы ўақыя бойынша Арал тәбиятты қорғаў прокуратурасы тәрепинен Өзбекстан Республикасы Жынаят кодексиниӊ тийисли статьялары менен жынаят иси қозғатылып, Б.Р. ҳәм Т.Р.лар Өзбекстан Республикасы жынаят процессуал кодексиниң 221-статьясы тәртибинде усланды.

Ҳәзирги ўақытта дәслепки тергеў ҳәрекетлери алып барылмақта.

Қарақалпақстан Республикасы бойынша Миллий гвардия басқармасының жазыўынша, топланған дәлиллер сол күнниң өзинде Арал тәбиятты қорғаў прокуратурасына тапсырылған.

zaman.uzскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы