лучший сайт где можно скачать шаблоны для dle 11.2 бесплатно

Бүгиннен баслап артықша бюрократиялық тосықларға шек қойылды, 18 түрдеги фактлерди тастыйықлаўшы ҳүжжетлер ҳәм мағлыўматнамаларды талап етиў бийкар етилди

Өзбекстан Республикасы Президентиниң 2021-жыл 23-марттағы «Пуқаралар ҳәм исбилерменлик субъектлерине мәмлекетлик хызметлерди пайдаланыўда жәнеде қолайлы шәраятларды жаратыў, бул тараўда бюрократиялық тосықларды қысқартыў бойынша қосымша ис-иләжлар ҳаққында»ғы ПП-6191-санлы Пәрманы менен бир қатар ҳужжет ҳәм мағлыўматнамалар талап етиў бийкарланыўы белгиленген.

Атап айтқанда, 2021-жыл 1-июнь күнинен баслап мәмлекетлик органлар, хожалық бирлеспелери, жергиликли атқарыўшы ҳәкимият органлары, мәмлекетлик шөлкемлер ҳәм мәкемелер тәрепинен пуқаралардан, сондай-ақ исбилерменлик субъектлеринен 18 түрдеги фактлерди тастыйықлаўшы ҳүжжетлер ҳәм мағлыўматнамаларды талап етиў бийкар етилди.

1.Руўхый кеселликлер бойынша диспансер дизиминде турыўы яки турмаслығы ҳаққындағы;
2.Наркология бойынша диспансер есабында турыўы яки турмаслығы ҳаққындағы;
3.Судланбағанлық (яки судланғанлық) ҳаққында мағлыўмат алыў ҳаққындағы;
4.Мәнзил-мағлыўмат мәлимлемесин алыў ҳаққындағы;
5.Пуқараның атында жеке үй-жай бар яки жоқ екенлиги ҳаққындағы;
6.Турақ жайдың майданы ҳаққындағы;
7.Салық қарызы бар яки жоқлығы ҳаққындағы;
8.Салық төлеўши физикалық шахслардың салық хызмети органларында есапқа қойылғанлыгы ҳаққындағы;
9.Пенсия ҳәм напақа муғдары ҳаққындағы;
10.Пуқаралардың пенсия ҳәм напақа алыўшылар дизиминде бар яки жоқ екенлиги ҳаққында мағлыўматнама;
11.Некеде дизимге алынғанлығы, некеде турмаслығы яки некеден ажырасқанлығы ҳаққында мағлыўматнама;
12.Шахсты тастыйықлаўшы ҳүжжеттиң нусқасы;
13.Шахстың белгиленген формадағы фотосүўрети;
14.Медециналық-социал эксперт комиссияларының мағлыўматнамалары;
15.Мийнет дәптершелери ҳәм олардың нусқалары;
16.Ис ҳақы ҳәм ис стажын, жоқары ҳәм орта арнаўлы билимлендириў бөлимлеринде оқығанлықты тастыйықлаўшы архив мағлыўматнамалары;
17.Ис стажын тастыйықлаўшы мағлыўматлар;
18.Кадастр ҳүжжетлери ҳәм олардың нусқаларын талап етиў бийкар етиледи.

Бунда, мәмлекетлик органлар ҳәм шөлкемлер физикалық шахсларға мәмлекетлик хызметлерди көрсетиўде, жумысқа қабыл етиўде ҳәм басқа ҳәкимшилик тәртип-қағыйдаларды әмелге асырыўда атап өтилген ҳүжжет ҳәм мағлыўматларды жуўаплы болған мәмлекетлик органлардан бийғәрез түрде, соның ишинде «Электрон ҳүкимет» системасы мәкемелер аралық интеграцияласыў платформасы арқалы сорап алады.

Жоқарыда көрсетилген ҳүжжет ҳәм мағлыўматлардың мәмлекетлик органлар ҳәм шөлкемлер тәрепинен пуқаралардан талап етилиўи мәмлекетлик хызметлерди көрсетиў тараўындағы нызам ҳүжжетлери талапларын бузыў деп есапланып, Өзбекстан Республикасы Ҳәкимшилик жуўапкершилик ҳаққындағы кодексиниӊ 2155-статьясына тийкар ҳәкимшилик жуўапкершиликти келтирип шығаратуғынлығын ескертемиз.

Мәмлекетлик хызметлер агентлиги
Қарақалпақстан Республикасы басқармасы
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы