лучший сайт где можно скачать шаблоны для dle 11.2 бесплатно

“Аралбойы регионы экологиялық инновациялар ҳәм технологиялар аймағына айланады” атамасында “Ашық сәўбет” шөлкемлестирилди

сы жылдың 3-июнь күни Өзбекстан Электрон ғалаба хабар қураллары миллий ассоциациясы, Өзбекстан Сыртқы ислер министрлиги, Экономикалық раўажланыў ҳәм камбағаллықты қысқартыў министрлиги, Қарақалпақстан Республикасы Министрлер Кеңеси менен биргеликте “Аралбойы регионы экологиялық инновациялар ҳәм технологиялар аймағына айланады” атамасында “Ашық сәўбет” шөлкемлестирилди.
Ҳәммемизге белгили 2021-жылдың 18-май күни Бирлескен Миллетлер Шөлкеми Бас Ассамблеясы 75-сессиясының гезектеги жалпы мәжилиси болып өтти.
 
Күн тәртибиндеги биринши мәселе сыпатында Өзбекстан тәрепинен усыныс етилген Аралбойы регионын экологиялық инновациялар ҳәм технологиялар аймағына айландырыў ҳаққындағы резолюция жойбары барлық мәмлекетлер тәрепинен бир даўыстан мақулланды.
Резолюция Аралбойы регионында буннан былай да тәбиятты тиклеў ҳәм жақсылаў, тәбиий ресурсларды сақлаў ҳәм халықтың турмыс дәрежесин арттырыў жолындағы илимий излениўлерди қоллап-қуўатлайды.
 
Соныда айрықша атап өтиў керек, Аралбойы Бас Ассамблея тәрепинен “Экологиялық инновациялар ҳәм технологиялар аймағы” сыяқлы жоқары статус берилген дәслепки регион болды.
Бул резолюцияның мазмун-мәнисин кенг жәмийетшиликке тусиндириў мақсетинде Министрлер Кеңесинде “Ашық сәўбет” шөлкемлестирилди. Оған министрликлер менен шөлкемелер, республикамыздағы телевидение, радио баспасөзден журналистлер қатнасты. Әҳмийетлиси бул “Ашық сәўбет” Италия мәмлекети менен онлайн видеобайланыс арқалы болып өтти. Сондай-ақ, сырт елли экспертлер тиккелей Қарақалпақстанға келип қатнасты.
 
БМШ Бас Ассамблеясы арнаўлы резолюциясының қабыл етилиўи экологиялық таза, энергия ҳәм суўды үнемлеўши технологияларды ислеп шығарыў ҳәм енгизиў ушын инвестицияларды қаратыў, “Жасыл экономика” принциплерин қолланыў, экологиялық миграция процесслериниң алдын алыў, экотуризмди раўажландырыў сыяқлы көплеген илажларды әмелге асырыў ушын зәрүрли болған шараятларды жаратыўға ҳәм ҳәрекетлерди бирлестириўге қаратылғанлығы менен әҳмийетли.
 

Дерек:http://karakalpakstan.uz/
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы