лучший сайт где можно скачать шаблоны для dle 11.2 бесплатно

Германияның проекти тийкәринда жаслар менен семинар өткерилди


Германияның «Deutsche Gesellschaft für Internationale Zusammenarbeit (GIZ) GmbH» компаниясиниң «Мәмлекет ҳәм пуқаралық жәмийети менен биргеликте билимлендириў, диалог ҳәм халықтың әззи топарларының радикализацияға турақлылығын арттырыў арқалы Өзбекстанда зорлық экстремизминиң алдын алыўға көмеклесиў» жойбары шеңберинде DVV International Uzbekistan мәмлекетлик емес шөлекеминиң қәўендерлигинде   Нөкис қаласының 30дан артық жаслары қатнасында  семинар-тренинг өткерилди.

«Истиқболли авлод» Республика социал-информациялық орайы Қарақалпақстан Республикасы бөлими тәрепинен шөлкемлестирилген бул семинар-тренингниң мақсети жаслардың түрли ағымларға қосылып кетиўиниң алдын алыў, жойбардың имкәниятлары ҳаққында мағлыўмат бериў, заманагөй кәсип-онерге бағдарларлаў, жойбар тийкәрында бийпул оқытыў болып есапланады.

Семинарда адам саўдасына қарсы гуресиў, интернеттен туўры пайдаланыў, диний кеңпейиллик, миллетлер аралық татыўлық мәселелеринде кординаторлар тәрепинен презентациялар тийкәринда түсинтирилди. Қатнасыўшылар да бул бойынша  пикир, усынысларын топарларға жәмлесген ҳалда плакатларда сәўлелентириў арқалы билдирди. Топарлар арасындағы додаланыўларда усыныслар жәнеде ҳәр тәреплеме үйренип шығылып, қосымшалар киргизилди.

«Бундай семинарлар жасларда бир мақсет жолында бирлестириў, топар менен ислесиў, басқалардың пикирин ҳурмет етиў, оз пикирине син көз-қарас менен қарап кориў, ҳәр-тәрепилеме ойлаў конликпелерин раўажландырады. Бул проекттиңда мақсети оларда жәмийетте нызам менен қадаған етилген шөлкемлерге қосылып қалыўының алдын алыў, жасларда усындай шөлкемлер ҳаққында сын коз-қарасды қәлиплестириў. Жаслар менен буннан басқа-да проектлерде бирге ислесиўди даўам етемиз.»- дейди жойбар треноры Н. Атамуратова.

Сондай-ақ, семинарда «Истиқболли авлод» Республика социал-информациялық орайы жумысы, орай қәнигелеринен бийпул ҳуқықый, психологик мәсләҳәт алыў, кәсипке бийпул өқытыў тәртиби бойынша да мағлыўматалар берилип, берилген сораўларға жуўаплар берилди.


«Истиқболли авлод» Республика социал-информациялық орайы
Қарақалпақстан Республикасы бөлими
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы