лучший сайт где можно скачать шаблоны для dle 11.2 бесплатно

“Өзбекстан Республикасында шет ел пуқараларының ҳәм пуқаралығы болмаған шахслардың ҳуқықый ҳалаты ҳаққында”ғы Нызам Президент тәрепинен имзаланды

2021-жыл 4-июнь күни Президент тәрепинен “Өзбекстан Республикасында шет ел пуқараларының ҳәм пуқаралығы болмаған шахслардың ҳуқықый ҳалаты ҳаққында”ғы 692-санлы Нызам имзаланды.

Нызамға тийкар, еки ямаса оннан артық мәмлекет пуқаралығына ийе шет ел пуқаралары қайсы мәмлекет пуқаралығына тийислилиги ҳаққындағы ҳүжжетлер бойынша Өзбекстанға кирген болса, Өзбекстанда сол мәмлекеттиң пуқаралары есапланады.

Өзбекстандағы шет ел пуқаралары ҳәм пуқаралығы болмаған шахслардың ҳуқық ҳәм еркинликлери халықаралық ҳуқық нормаларына муўапық тәмийинленеди.

Өзбекстанда турақлы жасайтуғын шет ел пуқараларына ямаса пуқаралығы болмаған шахсларға - олар 16 жасқа толғанда ямаса ата-анасының, қәўендерлердиң (әменгерлердиң) ықтыярына көре – бала туўылған ўақыттан баслап ҳәм 16 жасқа толғанға шекем идентификациялаўшы карта бериледи.

Идентификациялаўшы карта төмендеги әмел етиў мүддетлерине бериледи:

????жаңа туўылған бир жасқа шекем болған балаларға– 2 жылға;
????бир жастан 16 жасқа шекем болған шахсларға – 5 жылға;
????16 жастан 60 жасқа шекем болған шахсларға – 5 жылға;
????60 жастан асқан шахсларға – 10 жылға.

Нызамға көре, шет ел пуқаралары ҳәм пуқаралығы болмаған шахслар:

● Өзбекстан аймағы бойлап еркин ҳәрекетлениў ҳуқықына ийе;
● Өзбекстан аймағында Өзбекстан пуқаралары менен тең түрде мүлк ҳуқықынан пайдаланады;
● мәмлекетлик емес коммерциялық емес шөлкемниң шөлкемлестириўшилери, қатнасыўшылары (ағзалары) болыўы мүмкин;
● мәмлекетлик уйымларға, шөлкемлерге ҳәмде олардың лаўазымлы шахсларына арза, усыныс ҳәм шағым менен мүрәжат етиў ҳуқықына ийе;
● мәмлекетлик хызметлерден пайдаланыў ҳуқықына ийе;
● салық жеңилликлеринен пайдаланыўыы мүмкин.

Сондай-ақ, Өзбекстан аймағында турақлы жасайтуғын шет ел пуқаралары ҳәм пуқаралығы болмаған шахслар Өзбекстан пуқаралары менен тең түрде пенсия алыў ҳуқықына ийе.

⚖ 18 жасқа шекем болған шет ел пуқарасы ҳәм пуқаралығы болмаған шахс Өзбекстанда турыў қағыйдаларын бузғаны ушын ҳәкимшилик жуўапкершиликке тартылмайды.

Дерек: https://t.me/huqiqiymalimleme
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы