лучший сайт где можно скачать шаблоны для dle 11.2 бесплатно

Нөкис арнаўлы медицина комплексинде 91 пуқарa стационар шараятта емленбекте


Қарақалпақстан Республикасы Денсаўлықты сақлаў министрлигиниң берген мағлыўматына көре, 2021-жыл 12-июль саат 16:00 жағдайында Қарақалпақстан Республикасы бойынша коронавирус инфекциясы менен кеселленген наўқаслардың саны 879 адамды қурайды.

Соннан 91 пуқара – Арқа-батыс әскерий горнизоны аймағында жайласқан Нөкис арнаўлы медицина комплексинде стационар шараятта емленип атыр. Соннан 12 наўқастың аўҳалы аўыр, 3 наўқас жүдә аўыр аўҳалда, 79 наўқастың аўҳалы орташа. Барлық наўқаслардың жағдайы турақлы. Наўқаслар дәри-дәрмақ ҳәм 5 мезгил аўқат пенен тәмийинленген.

Емлеўхана ашылғаннан баслап, бүгинги күнге шекем 57 наўқас саўалып, үйлерине рухсат берилген.
788 пуқара – коронавирустың жеңил симптомлары менен үй шараятында аймақлық поликлиникалар қадағалаўы астында емленбекте.

Мағлыўмат ушын, COVID-19 бенен кеселленген наўқасларды емлеўде Өзбекстан Республикасы Денсаўлықты сақлаў министрлиги қәнигелери тәрепинен баспадан шығарылған "Коронавирус инфекциясы менен кеселленген наўқасларды емлеў бойынша ўақытша усыныслар" (8-редакция) (Ташкент. "O'zbekiston". 2021) қолланбасы тийкар етип алынған.

Егер Нөкис арнаўлы медицина комплекси аўыр наўқаслар менен толып қалған жағдайда, ҳәр итималға қарсы Республикалық туберкулёзге қарсы гүресиў диспансери COVID-19 бенен кеселленген наўқасларды қабыл етиўге таяр ҳалатқа келтирилген, делинеди министрлик хабарында.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы