лучший сайт где можно скачать шаблоны для dle 11.2 бесплатно

ИТАЛИЯДАҒЫ ТРЕНИНГЛЕР ҲӘПТЕЛИГИ

ҚМУдыӊ Техника факультети қурылыс ҳәм архитектура тараўы бойынша дүзилген Европа аўқамының Эразмус+ бағдарламасының ГРЕБ (Ақыллы қурылыс инженериясы шеңберинде оқыў жобаларын жаңалаў-Жасыл Қурылыс) жойбарына қатнасып атырған еди. Жақында жойбар шеңберинде жумыс алып барып атырған Эразмус+ бағдарламасының ҚМУдағы кординаторы Б.Палуанов, Архитектура ҳәм қала қурылысы оқытыўшысы А.Пурханатдинов, журналистика тәлим бағдары студенти Ж.Искендеров Италияның Л’Aкуйла қаласында шөлкемлестирилген жойбардың гезектеги семинарына қатнасып қайтты.
Өткерилген тренинг ҳәптелигиниң дәслепки күнинде университети ўәкиллерин Л’Aкуйла университети жәмәәти ҳәм халық аралық қатнасықлар бойынша проректор Анна Тоззи жыллы жүзлилик пенен күтип алды. Жойбар шеңберинде әмелге асырылған жумыслар бойынша Массимилиано Д’Инносензо өзиниң презентациясын ҳәм Марко Солобресе финанслық жағдайлар, қаржыларды нәтийжели бағдарлаў бойынша шолыў берип өтти.

Ҳәптеликтиң екинши күнинде профессор Марселло Ди Рисио «Теңиз бойы ҳәм гидровикли конструкцияниң билимлендириўдеги роли» атамысындағы презентациясын усынды. Буннан соң қатнасыўшылар биргеликте Л’Aкуйла университети лобараториясында болып, алып барылып атырған тәжирийбе жумыслары менен танысты.
Семинар даўамында Профессор Паола Риззи «Қала дизайны, жобаластырыў лобараториясы- жумыс алып барыўы» атамасындағы, Профессор Стефано Брусапорси «тарийхый БИМ» атамасындағы презентацияларын усынды.
Тренинг ҳәптелигиниң үшинши күнинде ҚМУ ўәкиллери МАТЛАБ технологиясы бойынша шөлкемлестирилген сабаққа қатнасты. Буннан соң PhD Ди Гироламо Гианни тәрепинен «Менежментлер системасы қурылысы ҳәм струтуралық мониториңға мағлыўматлар ҳәрекетин оптималластырыў» атамасындағы ҳәм бир қанша профессорлар тәрепинен презентациялар исленди.
Тренинглер ҳәптелигиниң төртинши күнинде профессор Лука Ди Ангело тәрепинен «САD-CAM да студентлер искерлиги, 3D скайнерлеў ҳәм 3D басып шығарыў» атамасындағы мастер класс шөлкемлестирилди. Буннан соң өз бетинше жумыс алып барып атырған студентлер тәрепиен презентациялар усынылды. Күн даўамында семинар қатнасыўшылары «FABLAB» лобараториясы жумыслары менен танысты.

Ҳәптелигиниң жуўмақлаўшы күнинде жойбар ағзалары Л’Aкуйла университети проректоры Анна Тоззи қабыллаўында болды.
– Италияның Л’Aкуйла университетинде өткерилген тренинглер ҳәптелиги менде үлкен тәсир қалдырды. Биз бул жерде қурылыс инженериясы, жасыл қурылыс бойынша көплеген көнликпелерге ийе болдық. Қала қурылысын жойбарлаў ҳәм ақыллы имаратларды қурыўдағы Европа тәжирийбелери ҳәм Италияның тарийхый тийкарларға дүзилген билимлери биз ушын үлкен шеберлик мектеби болды, десем асыра айтқан болмайман. Әсиресе, теориялық билимлер менен биргеликте профессор-оқытыўшылар ҳәм студентлердиң арнаўлы лобараторияларда жумыс алып барыўы, теориялық билимлерин әмелият пенен биргеликте жетилистириўи оға да нәтийжели ҳәм дурыс ойланған жумыс деген пикирдемен. Буның ушын материяллық базаның жоқары дәрежеде шөлкемлестирилгенлигин де айрықша атап өтиў орынлы – дейди қала қурылысы ҳәм архитектура кафедрасы оқытыўшысы А.Пурханатдинов.
Семинарға Ташкент мәлимлеме технология университети ҳәм Үргенш мәмлекетлик университети ўәкиллери де қатнасты.
Тренинглер ҳәптелиги жоқары дәрежеде шөлкемлестирилгенлик пенен өткерилди.

Б.ПАЛУАНОВ,
Эразмус+ бағдарламасының ҚМУдағы кординаторы.
Ж.ИСКЕНДЕРОВ,
Журналистика тәлим бағдары студенти.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы